ജര്‍മ്മനിയില്‍ തൊഴിലെടുത്ത് നികുതി അടയ്ക്കുന്ന വിദേശ പൗരന്മാരുടെയും യൂറോപ്യന്‍ യൂണിയന്‍ രാജ്യങ്ങളില്‍ നിന്നുള്ള തൊഴിലാളികളുടെയും ജര്‍മ്മനിയില്‍ താമസിക്കാത്ത കുട്ടികള്‍ക്കാണ് ഈ ആനുകൂല്യം ലഭിക്കുന്നത്. യൂറോപ്യന്‍ യൂണിയന്‍ നിയമപ്രകാരം മാതാപിതാക്കള്‍ ജര്‍മ്മനിയില്‍ നിയമപരമായി ജോലി ചെയ്യുകയും നികുതി അടയ്ക്കുകയും ചെയ്യുന്നുണ്ടെങ്കില്‍, അവരുടെ മാതൃരാജ്യങ്ങളില്‍ കഴിയുന്ന കുട്ടികള്‍ക്കും ജര്‍മ്മന്‍ ചൈല്‍ഡ് ബെനിഫിറ്റിന് അര്‍ഹതയുണ്ട്.
ഏറ്റവും കൂടുതല്‍ ആനുകൂല്യം ലഭിക്കുന്ന രാജ്യങ്ങള്‍ ഏവ?
റിപ്പോര്‍ട്ട് പ്രകാരം ജര്‍മ്മനിയില്‍ നിന്നുള്ള Kindergeld ഏറ്റവും കൂടുതല്‍ ലഭിക്കുന്നത് മൂന്ന് പ്രധാന രാജ്യങ്ങളിലെ കുട്ടികള്‍ക്കാണ്. പട്ടികയില്‍ മുന്‍പില്‍ നില്‍ക്കുന്ന ആ രാജ്യങ്ങള്‍ ഏതൊക്കെയെന്നത് സംബന്ധിച്ച കൃത്യമായ വിവരങ്ങളും മാനദണ്ഡങ്ങളും വരും ദിവസങ്ങളില്‍ കൂടുതല്‍ വ്യക്തമാകും. ജര്‍മ്മനിയിലെ ഉയര്‍ന്ന ജീവിതച്ചെലവിനൊപ്പം തന്നെ വിദേശങ്ങളിലേക്ക് ഒഴുകുന്ന ഈ ആനുകൂല്യങ്ങളുടെ കണക്കുകള്‍ രാഷ്ട്രീയ തലത്തിലും വലിയ ചര്‍ച്ചകള്‍ക്ക് വഴിവെച്ചിട്ടുണ്ട്. കുട്ടികളുടെ പ്രായം, മാതാപിതാക്കളുടെ തൊഴില്‍ സാഹചര്യം, യൂറോപ്യന്‍ യൂണിയന്റെ നിയമപരമായ വ്യവസ്ഥകള്‍ എന്നിവയെല്ലാം അടിസ്ഥാനമാക്കിയാണ് തുക അനുവദിക്കുന്നത്.
കുട്ടികള്‍ ജര്‍മ്മനിയില്‍ നേരിട്ട് താമസിക്കുന്നില്ലെങ്കിലും, യൂറോപ്യന്‍ തലത്തിലുള്ള നിയമപരമായ അവകാശങ്ങളുടെ അടിസ്ഥാനത്തിലാണ് ഇത്തരത്തില്‍ വിദേശങ്ങളിലേക്ക് സഹായധനം എത്തുന്നത്. ഇത് സംബന്ധിച്ചുള്ള കൂടുതല്‍ രാഷ്ട്രീയ പ്രതികരണങ്ങളും ഔദ്യോഗിക കണക്കുകളും പുറത്തുവന്നുകൊണ്ടിരിക്കുകയാണ്.
<{i�nbv�pI
മാതാപിതാക്കളോടൊപ്പം കുട്ടികള്‍ ജര്‍മ്മനിയില്‍ നേരിട്ട് താമസിച്ചാല്‍ മാത്രമേ മുഴുവന്‍ ആനുകൂല്യങ്ങളോടുകൂടിയുള്ള കിന്‍ഡര്‍ഗെല്‍ഡ് (Kindergeld) ലഭിക്കൂ എന്ന് സാധാരണയായി ആളുകള്‍ കരുതുന്നത് സ്വാഭാവികമാണ്. എന്നാല്‍, യൂറോപ്യന്‍ യൂണിയന്‍ നിയമങ്ങളും ജര്‍മ്മന്‍ കുടുംബ നിയമങ്ങളും (EStG Einkommensteuergesetz) അനുസരിച്ച് ഇതിന് ചില പ്രത്യേക വ്യവസ്ഥകളുണ്ട്.
നിയമപരമായ വസ്തുതകള്‍ താഴെ പറയുന്നവയാണ്:
യൂറോപ്യന്‍ യൂണിയന്‍ പൗരന്മാര്‍ക്ക്: ജര്‍മ്മനിയില്‍ ജോലി ചെയ്യുകയും നികുതി അടയ്ക്കുകയും ചെയ്യുന്ന ഇയു രാജ്യങ്ങളില്‍ നിന്നുള്ള പൗരന്മാരുടെ കുട്ടികള്‍ അവരുടെ മാതൃരാജ്യത്ത് (വിദേശത്ത്) താമസിക്കുകയാണെങ്കില്‍ പോലും അവര്‍ക്ക് ജര്‍മ്മന്‍ കിന്‍ഡര്‍ഗെല്‍ഡ് ലഭിക്കാന്‍ അര്‍ഹതയുണ്ട്. യൂറോപ്യന്‍ യൂണിയനുള്ളിലെ 'സ്വതന്ത്ര സഞ്ചാരവും തൊഴില്‍ അവകാശവും' (Free Movement of Workers) അനുസരിച്ചാണിത്. അതുകൊണ്ടാണ് വിദേശത്തുള്ള കുട്ടികള്‍ക്കുള്ള കിന്‍ഡര്‍ഗെല്‍ഡ് കണക്കുകള്‍ വര്‍ദ്ധിക്കുന്നത് മാധ്യമങ്ങള്‍ ചര്‍ച്ച ചെയ്യുന്നത്.
ഇന്ത്യക്കാര്‍ക്കും മറ്റ് മൂന്നാം രാജ്യക്കാര്‍ക്കും (ThirdCountry Nationals) ഉള്ള നിയമം: ഇന്ത്യയില്‍ നിന്നുള്ള പ്രവാസികള്‍ (മലയാളികള്‍ ഉള്‍പ്പെടെ) ജര്‍മ്മനിയില്‍ ബ്ളൂ കാര്‍ഡിലോ (Blue Card) മറ്റ് വര്‍ക്ക് വിസയിലോ ജോലി ചെയ്യുന്നവരാണെങ്കില്‍, അവരുടെ കാര്യത്തില്‍ നിയമം വളരെ കര്‍ശനമാണ്. സാധാരണയായി ജര്‍മ്മനിയില്‍ താമസമാക്കുന്ന പ്രവാസികളുടെ കുട്ടികള്‍ക്ക് കിന്‍ഡര്‍ഗെല്‍ഡ് ലഭിക്കണമെങ്കില്‍ ആ കുട്ടികളും ജര്‍മ്മനിയില്‍ നിയമപരമായി താമസിക്കുന്നവരായിരിക്കണം (ഉള്ളവരായിരിക്കണം).
Comments: